එදා කිරි කැටියෙකුව සිටි ම මඳහසින්..
'පීතෘත්වය' නම්
රාජාභිෂේකය ලැබූ නුඹ..
ගිරි දුර්ග,වන දුර්ග, ජල දුර්ග, පරයා
ශක්තිසම්පන්න, තෙදවත්, බලවත්
මහ රජෙකු ලෙස
ම දිවිය ආරක්ෂා කල
නුඹ..
මහරජෙකි මට
ගෙවී ගිය සෑම තත්පරයක් පාසාම
ම දිවියේ යෝධ සෙවනැල්ල වූ අපූරුව..
ශක්තිමත් ගිරි පවුරු ඔබ්බෙන්
ලෝකය දකින්නට
කියා දුන් නුඹ
ලෝකය දිනන්නට හැකි ඒ මහාර්ඝ අසිපත
ම වෙත තිලිණ කල
නුඹ
තවමත් නිසොල්මනේ
එදා මෙන්ම අදත්
මගේ ජීවිතය තුල
කිසිදා නොනිමෙන
පහන්ටැඹක් ලෙස
එකලු කරමින්
බලා හිදී
පීතෘත්වයේ පිවිතුරු ප්රතිමූර්තිය
ලොවට පසක් කර දුන්
නුඹ
ම දිවිය අර්ථවත් කල
මාගේ ආදරණීය පියාණන්
වන්නේය...!!!!
නේරංජනා හේමචන්ද්‍ර
(2011/2012)
No comments:
Post a Comment